نہ سلیقہ مجھ میں کلیم کا ، نہ قرینہ تجھ میں خلیل کا
میں ہلاک جادو سامری ، تو قتیل شیوہ آزری
میں نوائے سوختہ در گلو ، تو پریدہ رنگ رمیدہ بو
میں حکایت غم آرزو ، تو حدیث ماتم دلبری
مرا۔عیش غم ، مرا شہر سم ، مری بود ہم نفس عدم
ترا دل حرم ، گرو عجم ، ترا دیں خریدہ کافری !
دم زندگی رم زندگی ، غم زندگی سم زندگی
غم رم نہ کر سم غم نہ کھا کہ یہی ہے شان قلندری !
تری خاک میں ہے اگر شرر تو خیال فقر غنا نہ کر
کہ جہاں میں نان شعیر پر ہے مدر قوت حیدری !
کوئی ایسی طرز طواف تو مجھے اے چراغ حرم بتا
کہ ترے پتنگ کو پھر عطا ہو وہی سرشت سمندری !
گلہ جفائے وفا نما کہ حرم کو اہل حرم سے ہے
کسی بت کدے میں بیاں کروں تو کہے صنم بھی ہری ہری
نہ ستیزہ گاہ جہاں نئی ، نہ حریف پنجہ فگن نئے
وہی فطرت اسد اللہی ، وہی مرحبی وہی عنتری
کرم اے شاہ عرب و عجم کہ کھڑے ہیں منتظر کرم
وہ گدا کہ تونے عطا کیا ہے جنہیں دماغ سکندری
No comments:
Post a Comment