ہم کو یاں ہم کو یاں در در پھرایا یار نے
لا مکاں میں گھر بنایا یار نے
ہم کو یاں۔۔۔۔۔
آپ اپنے دیکھنے کے واسطے
ہم کو آئینہ بنایا یار نے
ہم کو یاں۔۔۔۔۔
اپنے اک ادنا تماشے کے لئے
ہم کو سولی پر چڑھایا یار نے
ہم کو یاں ۔۔۔۔۔
آپ چھپ کے ہم کو کر کے رو برو
خوب ہی رسوا کرایا یار نے
ہم کو یاں۔۔۔۔۔۔۔
آپ تو خود بن کے کی جلوہ گری
اور ہمیں کافر بنایا یار نے
ہم کو یاں۔۔۔۔۔۔
سر شان بے نیازی کھل گئی
جس طرف رخ کو پھرایا یار نے
ہم کو یاں۔۔۔۔۔۔۔۔
No comments:
Post a Comment