حق چھپانا،حق و باطل گڈ مڈ کرنا ہے !

دین حق کا مخالف ازل سے شیطان رہا ہے، شیطان کا ایک کام تلبیس ہے، حق و باطل کو گڈ مڈ کرنا یا حق کو چھپا دینا، یہ کام وہ اپنے ہرکاروں (انسان نما اور جن) سے لیتا ہے، مثلا : قرآن مجید بذات خود مبین (بیان کرنے والا، کاشف: کھولنے والا ) ہے، لیکن شیطان نے یہ ذھن میں ڈال دیا ہے کہ اس میں تدبر نا کرو، بس اس کا رٹا لگا لو یہ نجات کے لیے کافی ہے، نبی کریم ﷺ نور ہیں، لیکن شیطان نے یہ ذھن بنادیا کہ وہ عام بشر کی طرح ہیں، ان کی اتنی تعظیم کرو جتنا بڑے بھائی کی، کیوں کہ زیادہ محبت شرک کی طرف لے جائے گی، اہل البیت علیہم السلام سے دین کو لینا ہے جیسا کہ حدیث ثقلین میں ہے لیکن شیطان نے یہ ذھن بنادیا کہ اس امت میں دوسروں لوگوں کو ان کے مقابل لاکھڑا کیا، یعنی الثقلین کی قوی روایات کو چھوڑ کر ان سے کمزور درجہ کی روایات پر شدت کی جاتی ہے، انہیں بیان کیا جاتا ہے لیکن الثقلین ، حدیث غدیر ، حدیث المنزلۃ کو عام لوگوں سے چھپادیا۔۔

آپ اس کا تجربہ کرلیں ۔۔۔ آپ قرآن مجید میں غور و فکر کی بات کریں یہ طبقہ فورآ آپ کو منکر حدیث کہدے گا، آپ نبی کریم ﷺ کی تعظیم اور ان کے نور ہونے کی بات کریں یہ آپ کو قبوری بدعتی مشرک کا فتوے دے گا، آپ اہل البیت کی بات کریں یہ آپ پر رافضیت کا لیبل چسپاں کردے گا، یہ ہے شیطان کی تلبیس!!! 

(مفتی)فضل ہمدرد